"Sara Logistics" MMC şirkəti Azərbaycan Gömrük Təmsilçiliyi və Logistika Şirkətlərinin Assosiasiyasının assosiativ üzvlüyünə qəbul edilib.
"Sara Logistics" MMC- “Azərbaycan Dəmir Yolları” QSC-nin baş (fraxt) ekspeditorudur.
“SARA Logistics” MMC 2021-ci ilin noyabr ayında 1.530.000 AZN nizamnamə kapitalı ilə “Sara Group” tərəfindən təsis edilib. Komandamız logistika sahəsində 10 il və ya daha çox təcrübəsi olan peşəkarlardan ibarətdir. Şirkət nəqliyyat və logistika sahəsində qabaqcıl proqram təminatına malikdir.
“Azərbaycan Dəmir Yolları” QSC ilə yanaşı, “Bakı Beynəlxalq Dəniz Ticarət Limanı” QSC, “Xəzər Dəniz Gəmiçiliyi” QSC, “Hövsan Beynəlxalq Dəniz Limanı” ASC ilə ekspedisiya xidmətləri üzrə birbaşa müqavilələr əsasında fəaliyyət qurmuşdur. Zirə limanı və Qaradağ dəmir yolu stansiyası yaxınlığında yerləşən, Xəzər dənizi hövzəsində yerləşən və böyük yükdaşıma qabiliyyətinə malik Abşeron Logistika Mərkəzi də şirkətin idarəçiliyindədir.
Şirkətin baş ofisi Azərbaycanın paytaxtı Bakıda yerləşir. “Sara Logistics” Azərbaycanda və xaricdə filial və birgə müəssisələrlə təmsil olunur. Şirkətimizin özəlliyi limanlarda və dəmir yolu terminallarında yükləri tamamilə müstəqil idarə etmək və onlara xidmət göstərmək bacarığıdır. “SARA Logistics” şirkəti dəmir yolu ilə Azərbaycan, Rusiya, Türkiyə, İran, Gürcüstan, Qazaxıstan, Özbəkistan, Türkmənistan, Tacikistanda tranzit, idxal və ixrac yüklərinin daşınması üzrə geniş çeşiddə peşəkar xidmətlər göstərir.