Avqustun 25-də Azərbaycan Gömrük Təmsilçiliyi və Logistika Şirkətlərinin Assosiasiyasında (AGTL) “MG Transport” şirkətinin nümayəndələri ilə görüş keçirilib.
Görüşü açan Azərbaycan Gömrük Təmsilçiliyi və Logistika Şirkətlərinin Assosiasiyasının (AGTL) sədri Assosiasiyanın fəaliyyəti, üzvlük imkanları və logistika sektorunda əməkdaşlıq perspektivləri barədə geniş məlumat verib. O bildirib ki, Assosiasiyanın əsas məqsədi gömrük və logistika sahəsində fəaliyyət göstərən şirkətləri bir platformada birləşdirərək onların inkişafına dəstək olmaq və regional bazarda güclü sinerji yaratmaqdır.
Daha sonra “MG Transport” şirkətinin nümayəndələri – Direktor Dinara Aşirova, satış və əməliyyatlar şöbəsinin rəhbəri Dürdanə Səfərova və satış-marketing şöbəsinin əməkdaşı Vüsal Məmmədov şirkətin fəaliyyəti barədə təqdimat ediblər. Onlar şirkətin beynəlxalq və yerli yükdaşımalar, gömrük əməliyyatları və müasir logistika xidmətləri üzrə ixtisaslaşdığını qeyd ediblər. Bildirilib ki, “MG Transport” şirkətinin Azərbaycan, Gürcüstan və Türkiyədə ofisləri fəaliyyət göstərir.
Görüşdə qarşılıqlı əməkdaşlıq imkanları, Assosiasiyanın təqdim etdiyi üstünlüklər və şirkətin Assosiasiyaya üzvlük müraciəti ətrafında geniş fikir mübadiləsi aparılıb.
