23 iyul 2025-ci il tarixində Bakı KOB Evində Azərbaycan Gömrük Təmsilçiliyi və Logistika Şirkətlərinin Assosiasiyasının təşkilatçılığı ilə Assosiasiya və ona üzv olan logistika şirkətlərinin rəhbərlərinin iştirakı ilə Logistika Komitəsinin yaradılması ilə bağlı görüş keçirilib.
Tədbir zamanı yeni alt komitənin – “Logistika Komitəsi”nin yaradılması təşəbbüsünün əhəmiyyəti və məqsədləri barədə məlumat verilib. Qeyd olunub ki, bu komitənin yaradılması logistika sahəsində fəaliyyət göstərən üzv şirkətlərin daha effektiv əlaqələndirilməsi, sahəvi təşəbbüslərin sistemli şəkildə irəli sürülməsi və Assosiasiyanın institusional inkişafı baxımından mühüm addımdır.
Görüş çərçivəsində Logistika Komitəsinin rəhbərliyinə dair qərar da elan olunub. Belə ki, Assosiyasiyanın üzvü olan *Heritus Logistics MMC-nin rəhbəri Paşa Paşayev* Logistika Komitəsinin sədri seçilib.
Tədbirin sonunda iştirakçılar yeni komitənin fəaliyyəti, qarşıda duran hədəflər və sahənin gələcək inkişaf imkanları barədə fikir mübadiləsi aparıblar.