"Alat Logistics" MMC şirkəti Azərbaycan Gömrük Təmsilçiliyi və Logistika Şirkətlərinin Assosiasiyasının assosiativ üzvlüyünə qəbul edilib.
"Alat Logistics" Məhdud Məsuliyyətli Cəmiyyəti 04 iyun 2024-cü il tarixində dövlət qeydiyyatına alınmışdır. Hüquqi qeydiyyatdan öncə, şirkətin təsisçiləri 10 ildən artıq bir müddətdə beynəlxalq yükdaşıma sahəsində fiziki şəxs qismində peşəkar fəaliyyət göstərmişlər.
Şirkətin əsas fəaliyyət istiqaməti Ələt Azad İqtisadi Zonasında yerləşən Ələt Dəniz Limanı vasitəsilə tranzit yüklərin daşınmasının təşkili və icrasıdır. "Alat Logistics" MMC, həmçinin Azərbaycan Respublikasından MDB ölkələrinə və əks istiqamətdə beynəlxalq yükdaşımalar üzrə etibarlı və səmərəli logistika xidmətləri təqdim edir.
Müasir nəqliyyat vasitələri, peşəkar komanda və partnyor şəbəkəsi ilə şirkət müştərilərinə operativ, şəffaf və rəqabətədavamlı həllər təklif edir.