Azərbaycan Gömrük Təmsilçiliyi və Logistika Şirkətlərinin Assosiasiyasına (AGTL) yeni üzv qəbul edilib. Beləliklə, “MG Transport” şirkəti Assosiasiyanın rəsmi üzvləri sırasına qoşulub.
Qəbul münasibətilə keçirilən görüşdə Assosiasiyanın rəhbərliyi bildirib ki, yeni üzvlük sektorda əməkdaşlığın genişlənməsinə, təcrübə mübadiləsinin güclənməsinə və regional bazarda rəqabət qabiliyyətinin artırılmasına əlavə imkanlar yaradacaq. Vurğulanıb ki, Assosiasiya logistika və gömrük təmsilçiliyi sahəsində fəaliyyət göstərən şirkətləri bir araya gətirməklə, onların inkişafına və sektoral tərəfdaşlığa dəstək verir.
“MG Transport” beynəlxalq və yerli yükdaşımalar, gömrük əməliyyatları və müasir logistika həlləri üzrə fəaliyyət göstərir. Şirkət hazırda Azərbaycanla yanaşı, Gürcüstan və Türkiyədə də filiallara malikdir. Assosiasiyaya üzv qəbul olunması isə regional əməkdaşlığın daha da güclənməsinə töhfə verəcək.