23 iyul 2025-ci il tarixində Bakı KOB Evində Azərbaycan Gömrük Təmsilçiliyi və Logistika Şirkətlərinin Assosiasiyasının təşkilatçılığı ilə Assosiasiya və üzv olan logistika şirkətlərinin rəhbərləri arasında logistika komitəsinin yaradılması üzrə görüş keçirilib.
Görüş zamanı Assosiasiyanın sədri Vüsal Qasımov açılış nitqində iştirakçıları salamlayıb və Assosiasiyanın yeni alt komitəsi “Logistika Komitəsi”- nin yaradılması təşəbbüsünün məqsəd və hədəfləri barədə ətraflı məlumat verib.
Çıxışı zamanı Vüsal Qasımov həmçinin bildirib ki, bu komitənin yaradılmasında məqsəd logistika sahəsində fəaliyyət göstərən üzv şirkətlərin fəaliyyətinin daha səmərəli əlaqələndirilməsi və sahəvi təşəbbüslərin vahid platformada cəmləşdirilməsi, Assosiasiyanın institutional inkişafıdır.
Bundan əlavə görüşdə yeni yaradılan “Logistika Komitəsi”-nin sədri – Assosiasiya üzvü Heritus Logistics MMC-nin rəhbəri Paşa Paşayev elan olunub.
Sonda iştirakçılar arasında komitənin qarşıdakı fəaliyyəti və gələcək inkişaf imkanları mövzusunda müzakirələr aparılıb.
