Azərbaycan Gömrük Təmsilçiliyi və Logistika Şirkətləri Assosiasiyası və Bakı Mühəndislik Universiteti arasında memorandumun imzalanmasına dair ilkin görüş baş tutub
Azərbaycan Gömrük Təmsilçiliyi və Logistika Şirkətlərinin Assosiasiyası (AGTL) ilə Bakı Mühəndislik Universiteti (BMU) arasında əməkdaşlıq memorandumunun bağlanmasına dair ilkin görüş keçirilib.
Görüş zamanı memorandumla bağlı əsas məsələlər müzakirə olunub, tərəflər arasında qarşılıqlı əməkdaşlığın inkişafı və davamlılığının təmin edilməsi istiqamətində fikir mübadiləsi aparılıb.Müzakirələrin nəticəsi olaraq tərəflər arasında əməkdaşlıq memorandumunun imzalanması barədə razılıq əldə olunub.
Qeyd olunub ki, qarşıdakı qısa zaman çərçivəsində Assosiasiya rəhbərliyi və universitet rəhbərliyinin birgə iştirakı ilə memorandumun rəsmi imzalanma mərasiminin keçirilməsi planlaşdırılır.
#AGTL #gömrük #logistics #customs