"Too Far Logistics MMC" şirkəti Azərbaycan Gömrük Təmsilçiliyi və Logistika Şirkətlərinin Assosiasiyasına assosiativ üzv qəbul edilib.
"Too Far Logistics" MMC 2022-ci ildə təsis edilmiş, qida nümunələrinin laboratoriyaya çatdırılması, ölkə daxili və beynəlxalq daşıma, həmçinin qida təminatı sahəsi üzrə konsultativ xidmətlərin göstərilməsi sahəsində fəaliyyət göstərən şirkətlərdən biridir.
Təsis edildiyi ilk gündən qarşıya qoyulan əsas məqsəd, qida məhsullarının təhlükəsiz və sürətli çatdırılmasını təmin etmək, qanunvericiliyin tələblərinə uyğun olaraq, idxal və ixrac prosesini sahibkarlar üçün sürətləndirmək.
Bu layihə KOBİA tərəfindən startap şəhadətnaməsi ilə təltif edilmişdir. Şirkət AQTA-nın dəstəyi ilə artıq 1000-dən çox partnyor üçün mütəmadi olaraq çatdırılma xidməti göstərir. Təqdim olunan həllər və xidmətləri istifadəçilərə daha optimal şəkildə təklif etmək üçün şirkət tərəfindən həyata keçirilən işlər davam etdirilir.