LOGISTECH sərgisində Türkiyə və Azərbaycanın qadın logistika nümayəndələri bir araya gəliblər

Türkiyənin İzmir şəhərində keçirilən LOGISTECH sərgisi çərçivəsində Türkiyə və Azərbaycanın qadın logistika nümayəndələrinin görüşü təşkil olunub.

UTİKAD-ın Qadın Komitəsinin təşkilatçılığı ilə keçirilən görüşdə UTİKAD-ın Qadın Komitəsinin sədri Ayfer Vurgunun ev sahibliyi ilə Azərbaycan Gömrük Təmsilçiliyi və Logistika Şirkətlərinin Assosiasiyasının (AGTL) Qadın Komitəsinin üzvləri iştirak ediblər. Azərbaycan nümayəndə heyətinə AGTL-in Qadın Komitəsinin sədri Lamiyə xanım rəhbərlik edib.

Görüşün məqsədi Türkiyə və Azərbaycan arasında logistika sahəsində qadın mütəxəssislər arasında əlaqələrin genişləndirilməsi, təcrübə mübadiləsinin aparılması və gələcək əməkdaşlıq imkanlarının müzakirəsi olub.